عدد الرسائل : 115 العمر : 36 تاريخ التسجيل : 28/10/2007
موضوع: لو عايزة خطيبك ينتحرهذه هي الوصفة الأربعاء أكتوبر 31, 2007 12:07 am
زياد وفرح زياد بيحب فرح وهي كمان بتحبه قوي بس حوار الي بيحبو بعض اليومين دول بقى مختلف قوي.. تعالو نشوف المشاكل بتحصل ازاي,وايه الي يخلي الدنيا نتهار _ _ _ _ _ _ فرح وزياد واقفين في عز الظهر على الكوبري فرح:"برومانسية" شايف النجوم يا زياد؟ زياد: نجوم أيه بس عز الظهر ده أنا الشمس حرقت افايا فرح: الله يا زياد بص السحابة اللي هناك دي اللي عليها العصافير! زياد: لا والله ياحبيبتي أنا مش شايفها بس شايف دخان عربيات خنقني فرح:يووووووووووووه يا زياد خليك رومانسي شوية زياد: رومانسي إيه بس, وأنتي مخرجاني في عز الظهر كده أنا الشمس اكلت وشي وقالت أنا شبعت فرح:انت مش بتحبني والا ايه؟ زياد: ياستي بحبك فرح:لأ انت كذاب انت مش بتحبني زياد: يعني أولع في نفسي بغاز عشان تصدقي اني بحبك!؟! فرح: "والدموع على خدها" لا يا زياد أنت تغيرت خالص زياد: ياحبيبتي والله بحبك فرح:لأ يا زياد متصلحش اللي أنت عملته زياد: وهو أنا كنت عملت إيه بس فرح:"تعيط" اهئ اهئ اهئ زياد: بتعيطي ليه دلوقت؟ فرح: طلقني يا زياد زياد: هو احنا لسة اتجوزنا عشان اطلقك فرح:يعني كمان مش عايز تطلقني زياد يشد في شعره: يادي الليلة السودا أنا ايه اللي خرجني بس فرح:كمان خليتها ليلة سودا.. يعني أنا اللي خرجتك غصب عنك زياد: ياستي مش قصدي. بصي أنا مش هرد عليكي عشان مانتخانقش فرح: للدرجادي قرفان مني زياد: "وشه يحمر من الغيظ" يعني انتي عايزة تتخانقي وخلاص فرح: يعني أنا نكدية يا زياد زياد : لأ...... أنا فرح: انت بتاخدني علي اد عقلي زياد: حقك عليا وادي رأسك ابوسها فرح: ياسلام كده بكل بساطة فجأة يقف زياد علي سور الكوبري ويرمي نفسه في الماء فرح: تفتكر يا زياد اني كده هسامحك كدة خطيبك حينتحر بسبب حوار زي ده بلاش العصبية يا اختي الي ملهاش فائدة وخصوصا في مواقف زي دي
اتمنى انكم تاخده عبرة من الحوار ده والي عملت زيه تبقى خسرت خطيبها وبللت ثيابه كمان هههههههههههههههههه يا خسارة
سندرريلا العضو الذهبي
عدد الرسائل : 173 تاريخ التسجيل : 26/10/2007
موضوع: رد: لو عايزة خطيبك ينتحرهذه هي الوصفة الخميس نوفمبر 15, 2007 1:43 am
ههههههههههههههههههههههههههههههه
بعد الشر على خطيبي (مستقبلا) انشاءلله يومي قبل يومه ده انا افديه بروحي وبعمري كله يؤ بقى متبصوليش كدة اثل مكثوفة ربنا يستر بقى بصراحة احنا ستات نكديين اوي وساعات بنمسك في حجات صغيرة وتافهة وبنعمل مشاكل من غير سبب ربنا يستر بقى لازم نركز شوية فوقو يابنات بقى ميرسي حبيبتي على البتاع الحلو ده مستنين جديد تقبلي مروري